Pas ngritjes dhe implementimit të Sistemit për Menaxhim të Cilësisë, më 29 prill 2013, AAC është certifikuar nga Bureau Veritas për përputhshmëri të plotë me standardin ISO 9001:2008.

Përmes sistemit për menaxhim të cilësisë, tanimë të certifikuar, AAC e realizon në mënyrë më efektive dhe efikase detyrën primare të saj,  rregullimin e sigurisë së aviacionit civil dhe atë ekonomik për aeroportet dhe shërbyesit e navigacionit ajror.

Si autoritet i certifikuar, AAC vërtetohet se gjatë gjithë kohës vepron në përputhshmëri me legjislacionin në fuqi dhe procedurat e dokumentuara të punës, të përshkruara në manualin e cilësisë dhe dokumentet tjera të ndërlidhura.

Kemi botuar Buletinin nr. 28 të AAC-së për muajin prill 2013. Lexim të këndshëm!

Kemi botuar Buletinin nr. 27 të AAC-së për muajin mars 2013. Lexim të këndshëm!

Në bazë të nenit 41 të Rregullores Nr. 02/2010 për procedurat e rekrutimit në shërbimin civil, njoftojmë se Komisioni Përzgjedhëse ka përfunduar procesin e vlerësimit  për pozitën e shpallur në AAC:

1. Zyrtar i shërbimeve të navigacionit ajror për meteorologji dhe shërbime të informatave aeronautike me nr ref: AACK/ADM/BNJ/03/2012

Njoftojmë të gjithë aplikantët, se bazuar në vlerësimin e Komisionit Përzgjedhës për pozitën ” zyrtar i shërbimeve të navigacionit ajror për meteorologji dhe shërbime të informatave aeronautike “, në bazë të pikëve është përzgjedhur kandidatja znj. Albulena Gërxhaliu.

Këtij njoftimi i bashkëngjesim edhe renditjen përfundimtare të kandidatëve në bazë të pikëve të fituara për pozitën e lartcekur.

Kur një kandidat në një procedurë të rekrutimit është i pasuksesshëm dhe nuk emërohet në pozitën përkatëse dhe ai/ajo mendon se emërimi i një personi tjetër në atë pozitë nuk është në bazë të meritës ose është bërë si pasojë e parregullsive në zbatimin e rregullave dhe procedurave, ai/ajo mund të ankohet me shkrim në Komisionin për zgjedhjen e kontesteve dhe ankesave, i cili e shqyrton dhe vendos për ankesën.

Ankesat duhet të dorëzohen brenda 30 ditëve nga data në të cilën vendimi për përzgjedhje dhe emërim shpallet nga institucioni përkatës.

Shpallja zyrtare

Kemi botuar Buletinin nr. 26 të AAC-së për muajin shkurt 2013. Lexim të këndshëm.

Është publikuar Raporti nr. 2 për konsultimin publik të palëve të interesit lidhur me projekt-rregulloret e AAC-së:

- Rregullore mbi rregullat e licencës së kontrollorëve të trafikut ajror dhe certifikimet tjera;
- Rregullore për mbikëqyrjen e sigurisë në menaxhimin e trafikut ajror dhe shërbimet e navigacionit ajror;
- Rregullore mbi kushtet për ofrimin e shërbimeve të navigacionit ajror;

Këto tri projekt-rregullore kanë qenë në konsultim publik nga data 19 tetor- 2 nëntor 2012. Raporti gjendet në rubrikën “Konsultimet” nga ku mund edhe të shkarkohet me lehtësi.

AAC falënderon të gjithë ata të cilët kanë marrë pjesë më procesin e konsultimit publik dhe kanë dhënë kontributin e tyre të vlefshëm.

Shumë shpejt pritet që rregulloret të marrin formën përfundimtare dhe të nënshkruhen nga Drejtori i Përgjithshëm.

Në bazë të nenit 41 të Rregullores Nr. 02/2010 për procedurat e rekrutimit në shërbimin civil, njoftojmë se Komisionet Përzgjedhëse kanë përfunduar procesin e vlerësimit  për pozitat e shpallura në AAC:

1. Zyrtar i operimeve për helikopterë  me nr ref: AACK/ADM/BNJ/04/2012
2. Zyrtar i aerodromeve me nr. ref: AACK/ADM/BNJ/05/2012
3. Mjek i aviacionit me nr. ref: AACK/ADM/BNJ/06/2012

Njoftojmë të gjithë aplikantët, se bazuar në vlerësimin e Komisionit Përzgjedhës për pozitën ” zyrtar i operimeve për helikopterë “, në bazë të pikëve është përzgjedhur kandidati z. Skender Ahmeti.

Ndërkaq për pozitën “zyrtar i aerodromeve” sipas Komisionit Përzgjedhës është përzgjedhur kandidati z. Alban Ramabaja.

Në pozitën “ mjek i aviacionit” sipas Komisionit Përzgjedhës është përzgjedhur kandidati z. Driton Avdiu.

Këtij njoftimi i bashkëngjesim edhe renditjen përfundimtare të kandidatëve në bazë të pikëve të fituara për të tri pozitat e lartcekura.

Kur një kandidat në një procedurë të rekrutimit është i pasuksesshëm dhe nuk emërohet në pozitën përkatëse dhe ai/ajo mendon se emërimi i një personi tjetër në atë pozitë nuk është në bazë të meritës ose është bërë si pasojë e parregullsive në zbatimin e rregullave dhe procedurave, ai/ajo mund të ankohet me shkrim në Komisionin për zgjedhjen e kontesteve dhe ankesave, i cili e shqyrton dhe vendos për ankesën.

Ankesat duhet të dorëzohen brenda 30 ditëve nga data në të cilën vendimi për përzgjedhje dhe emërim shpallet nga institucioni përkatës.

Shkarko:

Shpallja zyrtare

Rënditja përfundimtare - mjek i aviacionit

Rënditja përfundimtare - zyrtar i aerodromeve

Rënditja përfundmtare - zyrtar i operimeve për helikopterë

Njoftohen të gjitha palët e interesuara për mundësinë e shprehjes së komenteve dhe vërejtjeve të tyre në Draft Rregulloret e AAC-së. Afati i pranimit të komenteve është nga data 19 tetor deri më 2 nëntor 2012. Të gjitha komentet dhe vërejtjet mund të dorëzohen me e-mail. Për më tepër shih faqen e konsultimeve.

Delegacionet e Qeverive të Republikës së Kosovës dhe Emirateve të Bashkuara Arabe u takuan në Prishtinë, më 17 shtator 2012, me qëllim të negocimit të një marrëveshjeje bilaterale të transportit ajror. Delegacionet u kryesuan nga Drejtorët e Përgjithshëm të Aviacionit Civil, z. Dritan Gjonbalaj dhe z. Saif Mohammed Al Suwaidi.

Diskutimet u zhvilluan në atmosferë miqësore dhe u përmbyllën me arritjen e pajtimit të dyanshëm për tekstin e marrëveshjes, e cila u parafua nga kryesuesit e delegacioneve të Qeverive të të dy vendeve. Marrëveshja e parafuar pritet të nënshkruhet nga Ministrat përkatës në një moment të përshtatshëm protokollar.

Gjatë takimit të sotëm u nënshkrua edhe një Memorandum Mirëkuptimi, përmes të cilit palët marrin përsipër ta implementojnë përkohësisht teksin e dakorduar të marrëveshjes, deri në kompletimin e kërkesave të brendshme ligjore të të dy shteteve për nënshkrimin dhe ratifikimin e marrëveshjes. 

Përmes kësaj marrëveshjeje krijohet baza ligjore për fillimin e fluturimeve të drejtpërdrejta midis Aeroportit Ndërkombëtar të Prishtinës “Adem Jashari” dhe aeroporteve në Emiratet e Bashkuara Arabe. Marrëveshja është e frymës liberale, pa asnjë kufizim në numrin e fluturimeve, numrin e kompanive ajrore apo kapacitetin që do ta ofrojnë.

Autoritetet e aviacionit civil të të dy vendeve gjithashtu u pajtuan të fillojnë bashkëpunimin dhe shkëmbimin e përvojave në fushën e mbikëqyrjes së sigurisë së aviacionit civil.

Para fillimit të negociatave, delegacioni i EBA-së u prit nga Ministri Mujota, i cili, përveç tjerash, tha se lidhja e Marrëveshjes së Transportit Ajror midis Republikës së Kosovës dhe Emirateve të Bashkuara Arabe, jo vetëm që do të krijojë bazë ligjore për zvogëlimin e largësisë midis dy vendeve tona, por gjithashtu do të hapë perspektiva të reja për thellimin e bashkëpunimit të shkëlqyer në të gjitha fushat. Kjo do të jetë një mundësi e mirë për afrimin e popujve tanë dhe rritjen e nivelit të shkëmbimeve tregtare.

Është publikuar Raporti nr. 1 për konsultimin publik të palëve të interesit lidhur me projekt-rregulloret e AAC-së: 

-    Rregullore për ndryshimin dhe plotësimin e Rregullores nr. 01/2008 për aerodromet
-    Rregullore për Aerodromet e aprovuara
-    Rregullore për operimet me mjete ajrore mikro të lehta
-    Rregullore për kushtet dhe mënyrën e përdorimit të deltaplanerëve dhe paraplanerëve

Këto katër projekt-rregullore kanë qenë në konsultim publik nga data 13-27 gusht 2012. Raporti gjendet në rubrikën “Konsultimet” nga ku mund edhe të shkarkohet me lehtësi.

AAC falënderon të gjithë ata të cilët kanë marrë pjesë në procesin e konsultimit publik dhe kanë dhënë kontributin e tyre të vlefshëm.

Shumë shpejt pritet që rregulloret të marrin formën përfundimtare dhe të nënshkruhen nga Drejtori i Përgjithshëm.